al bei al zin 't ael de relaoses wo e minselaeve wiëde gaeve
|
al dat maffiagedoên ès niks aanes as de (smaerige) aaterkant van den dollaar
|
al dat vaechtes op de voêtbal ès heil normaol: wènne ès 't eenigste wo nog télt èn Itolzje allewaajl
|
al ès vergif ên niks ès vergif, 't ès zjus 'n kwêste van doziëring
|
al wao de wérkman te doen hèt, ès 't goed vérbeeld te gaeve
|
al wao ze autvènne ès êch
|
al wo besteet, al wo ver zin ... al bij al niks aanes as zègwiëd
|
al wo de mins kan dreeme, zal de mins ojt waur maoke
|
al wo kènnis os bijbrink ès dat ve mei afzien at ve daudgon as de beiste, wo niks wiëte
|
al wo ver booë, booë ver op zaovel, ni op steen, mê ve moette bleive booë asof dae zaovel steen waur
|
al wo ze èn de gezèt sjreive ès abseluut waur, zoelang 't ni geet iëver 'n histoëre boeste per sjaos zjus waol den heile dérbêndel van kèns
|
alle minse spiële 'n rol, op 'n paor akteûrs noë mesjin
|
alleen bij wae heil boëve of onder op de sociaole lèdder steet hébbe kiëninge aonzien
|
alleen de doj hébbe 't raech van te vergaeve, ên de laevende hébbe nie 't raech van te vergaete
|
alleen de doj zien 't èn van den oërlog
|
alleen dér 't gebreik wiëdt e woëd as goêd ên waur geakseptiërd èn 'n taol
|
alleen e volk wo zich niks lit weismaoke ès e volk mèt 'n taukoms
|
alleen gekultiviërde minse leire gan bei, wae niks wiët dae gif liever lès
|
alleen onniëzelêrre zin alteid zèkker van hun eege. Bèste zèkker? Heïl zèkker!
|
alleen wae koeraozje hèt kan vergaeve, ne laffaard hèt dat nie èn zich
|
alleen wae niks te verwaachte hèt, ès êch vraaj
|
alleen woenne ès e bitsje waaj noe e feis gon boe niemed noe dich imkiek
|
alleen zien ès e sjaun dènk; de hébs alleen iemed vandoen vér dich on 't verstand te brènge dat alleen zien e sjaun dènk ès
|
alleen 'nen dichter mèt z'n powezaaj ès iet of wat èn stoët e gedach te gaeve van wao 'ne laevetige mins kan mètmaoke
|
alleman ès nie mèt slimmighèts aongemok
|
alleman ès waaj Oslívvenheïr 'm gemok hèt, ên dèk nog êrger
|
alleman laach èn d'eegeste taol
|
alleman leistert alleen noë wao ter versteet
|
alleman moet doên wo'ter moet doên èn 't laeve, ên hae hèt ni te kieze
|
alleman wiët ael, wie goêd e kreatief verstand èn stoët ès 'n opleeïng te iëverlaeve, prêl wie slaech daaj ooch ès
|
alles ès priekel; at dat nie zoe wos, dan waür 't laeve nie de moejte van gelaef te wiëne
|
alles zien, viël stilhaage, weinig veraandere
|
allewaajl ès niemed èn de wêrd zoe plichtig on 't breeë van gewêld as 't Amerikaons goevernemênt
|
alteid mêr moette doen wao ze dich zègge: ès 't 'n sjaan, 't ès ooch e gemaok
|
America ès e land wo nie wiët bau 't hiëne geet, ên vér doë te geraoke kan 't nie rap genoeg gon
|
as ich moet kieze tèsse twei sorte kaud, pak ich alteid dat wao ich nog nie eider autgeprobiërd héb
|
as leif ès alleman maunekes alleen, as zeïl nauts
|
as minse meine dat ze baeter zin as nen aandere, ès dat gemeenlek omdat ze zich eeges mei ontzien as nen aandere
|
as toch alleman wiët wie slaech sigrètte zin vér de gezondhèt, verwao maoge ze dan nog verkoch wiëne?
|
aste bang hébs vér alleen te zien, trauw dan nie
|
aste beizig bès mèt de grauten hoop mèt te gon, stop dan êfkes ên dènk nog èns noë
|
aste de zaok meester bès, koëme de wiëd vanzêlf
|
aste gan dees waoste dees, hoefste nauts te wérke
|
aste iemed hêlps wo èn de miziëre zit konste zèkker tevan zien datter dat ni zal vergaete ... zoe gauw atter obbenêr èn de miziëre zit
|
aste iet wils beileire, gaef dan lès
|
aste lang genoeg laefs zulste zien dat ieleke iëverwènning langenlèste op 'n mislèkking autdrêt
|
aste mèt ze gezich vér 'n obstaokel stees maog de kotste waeg tèsse twei punte gerès 'n kroem laajn zin
|
aste mottig wiës van z'n goej principes, dan dooge ze ni – ziech doe mêr zèkker van
|
aste ne wèns dees, zulle alle èngele ên hélligen èn den hiemel mèteespanne vérdat z'ne wèns zoo autkoëme
|
aste nie kons woste wils, ziet dan daste wils woste kons
|
aste nie wils dat ze dich vérliege, stél dan geen vroëge
|
aste n'n aandere goêd èn d'ooge kieks, dan konste ni aanes as kieke noe z'n eege
|
aste van pier kontêntemênt e koêt èn de loch springs, pas toch mêr op dat doë niemed de grond van onder z'n viet voerttrèk
|
aste verwaachs das dich normaol kons blijve èn taaje dat al d'aander abnormaol gon doên, dan bèste eeges ni heil normaol
|
aste voëtsgees op de doj wo ze maoke, zin gewaerefebrikke ènstèllinge van liefdaodighèts vergeliëke mèt sigrèttefebrikke
|
aste vrindsjop, goej zin ên poowezie op z'ne waeg wils vènne, staek ze dich dan èn z'n maol véreiste voertgees
|
aste wils dat de wêrd boezjiërt, begin dan mèt z'n eege
|
aste 't goed gojsligs, kan ze leif wol 'n heil laeve mètgon
|
at de diëg ès autgesloppe, hêrpak ze zich mèt viëse moêd
|
at de gènneraoses van mèrge mèt een taol wille kalle, zulle ze dat mèt 'n eeges gemokde taol moette doen, doe zit niks aanes op
|
at doe gee prezoeng bestond, dan zooë ver wiëte dat ver ammel vaszitte
|
at ich de êrm minse te aete gaef, bèn ich nen héllige; at ich vroëg waaj 't kimp dat de êrm minse niks te aete hébbe, bèn ich ne kommenis
|
at ich mérrege daud bèn hoef niemed mich te begrinse, ich haag mich èn gee graof, ich bèn eeges vraaje wènd
|
at ich trègdènk on m'n kènderstriëk héb ich speit waaj hoër op m'ne kop: nie dat ich ze aut begange héb, waol dat ich ze nauts mei zal konne authaole
|
at minse ee waope hébbe dat êch iet aofdeet, dan ès 't wol 'laachte'
|
at minse nimei bibbele van de kaa, van den hoenger of van den angs, dan krijge ze de bibbelebitsjes
|
at ne meester nie zonder z'ne slaof kan, wae van de twei ès dan ne vraaje mins?
|
at ne mins vér ze gedach ni daar autkoëme, sjilt doë iet on dat gedach, of aanes on dae mins
|
at ver aaterdènke hébbe iëver de beteekenis ên de wiëde van 't laeve, dan zin ve zik
|
at ver 'n orgaon konne aofston vér 'ne mins wao riskiërt van daud te gon, verwao zooë ver dan geen proteïene konne gaeve on daaj wao krepiëre van den hoenger?
|
at ze gewiëte èn 't spiël ès, hèt niemed aanes iet te koekke
|
at ze mich smérges vrig koëme authaole ès 't tenaach zeinen toêr
|
at 'n taol verbassediërt, geleeve de minse nimei wot ze heire, ên doe kimp vaechtes van
|
at 'ne mins 'ne leif wilt daudmaoke, zègge ze: 't ès sport; at dae leif de mins wilt daudmaoke, zègge ze: 't ès vreid!
|
at 't êch op sjoëpsjaere aonkimp, bèste mèt steil baeter aof as mèt raechaut zien
|
autvènne geet ael ni zonder memoëre
|
avvekoët: eene wo os de sjêlme van 't lijf hilt dér de verleeïng voert te pakke
|